Урман булып хәтер шауласын

Быел, Русия Президенты Указы белән “Хәтер һәм дан елы" дип игълан ителгән 2020 елда, Башкортстанда “Хәтер бакчалары” халыкара акциясе, “Җиңү урманы” һәм “Башкортстан урманчылары – сугыш геройлары истәлегенә” республика акцияләре уздырыла. Бу чаралар Бөек Ватан сугышында Җиңүнең 75 еллыгына багышлана.

Мисалга, Стәрлетамак “Бердәм Русия” партиясенең җирле бүлекчәсе активистлары һәм “Тарихи хәтер” партия проекты кысаларында яшь гвардиячеләр Куганак участок урманчылыгында Яңа Алёшкино авылыннан ерак түгел агач утыртуда катнаштылар. Урман хуҗалыгы министрлыгы карамагындагы оешмаларның активистлары һәм хезмәткәрләре көче белән 2,2 га территориядә 10 000 гә якын корыч-агач һәм нарат үсентесе утыртылды. Чарада БР урман хуҗалыгы министры М. И. Шәрәфетдинов һәм “Бердәм Россия” партиясеннән РФ Дәүләт Думасы депутаты ярдәмчесе И. З. Бикбаева катнашты.

Агачлар Советлар Союзы Герое Гавриил Иванович Басманов истәлегенә утыртылды. Эш тәмамлануга "Обелиск" эзләү отряды оештырган күргәзмәдә Бөек Ватан сугышы экспонатлары белән танышырга мөмкин иде.

Акцияләрнең төп максаты – Бөек Ватан сугышы елларында һәлак булган 27 миллион ватандашның һәркайсы истәлегенә Русия һәм БДБ илләре территориясендә 27 миллион агач утырту.

Чара шулай ук РФ Президенты В.В.Путин инициативасы белән гамәлгә куелучы "Экология" гомумдәүләт проектының "Урманнарны саклау" федераль проектын гамәлгә ашыруга ярдәм итә.