Барлык яңалыклар

Азык-төлек сәнәгате заманчалаша

Тәҗрибәле спикер-активлар табигый азык-төлек продуктларын җитештерүнең барлык нечкәлекләрен өйрәтә.

Соңгы берничә елда дөньяда азык-төлек сәнәгате шактый зур үзгәрешләр кичерде. Әле алты ел элек кенә 500 Startups венчур фондына нигез салучы Дэйв Макклюр һәм элек PayPal түләү сервисының топ-менеджерларының берсе глобаль азык базарын “артык үшән” дип атаган иде.
Әмма инде хәзер үк фуд-секторда киләчәкнең иң кыю технологияләре сынала. Мәсәлән, бүген Онлайн-платформа өйгә “люкс” класслы рестораннардан ашамлыклар китерүгә заказ бирергә, якындагы кафе сайларга, шулай ук сезнең ресторан янында органик продуктлар үстерүче фермерлар белән турыдан-туры эшләргә һәм азык-төлек җитештерүгә дистанцион идарә итәргә мөмкинлек бирә.
Фуд-индустриядә барлыкка килгән яңа проектлар һәм чишелешләр белән Русия бизнесы да кызыксына. Русиядә эшкуарлар һәм инвесторлар базарда эшли торган стартаплар өчен яңа акселерация программаларын башлап җибәрәләр, рестораторлар өчен сәүдә мәйданчыклары булдыралар, шәһәр азык-төлек һәм фермер продуктлары фестивальләре үткәрәләр, фуд-стартаплар өчен белем бирү программалары һәм лекцияләр цикллары оештыралар һәм хәтта перспектив проектлар өчен реалити-шоу челтәрендә дә таныталар.
Бу юнәлештә Башкортстанда да эшләр нәтиҗәле бара. Мәсәлән, Стәрлетамакта “Бизнес-контакт” коворкинг мәйданчыгында азык-төлек продуктларын җитештерүдә бизнес-проектны тиз эшкәртүнең практик программасы старт алды. Әлеге башлангычны эшләтеп җибәрүдә Стәрлетамак районы хакимияте башлыгы урынбасары, бизнес-шериф Руслан Гайзетдинов, Стәрлетамак шәһәре эшкуарлары ассоциациясе Советы Рәисе, Стәрлетамак шәһәре буенча бизнес-омбудсменның җәмәгать ярдәмчесе Екатерина Фризен, Ассоциациянең башкарма директоры Резедә Иман катнашты. Проектны Башкортстан Республикасының Эшкуарлык буенча Дәүләт комитеты һәм "минем бизнес" үзәге оештырды. Программада Башкортстан Республикасы кече һәм урта бизнес субъектлары, азык-төлек продуктлары җитештерүчеләр өчен бушлай катнаша.
Русиядә беренче фуд-акселератор тәҗрибәле спикер-активларны җыйды, алар табигый азык-төлек продуктларын җитештерүнең барлык нечкәлекләрен өйрәтә. Азык-төлек продуктларының куркынычсызлыгы һәм расланган сыйфаты, бизнес-планлаштыру, заманча кулланучы һәм аның ризыкка карата таләпләре, сакчыл җитештерү принциплары һәм бизнес-процессларны оптимальләштерү, эшне алга этәрү, сайтлар, сату каналлары булдыру, сәүдә челтәрләре белән эшләү, күргәзмәләрдә нәтиҗәле катнашу, дегустацияләр һәм вакыйгалар программасы үткәрү, азык-төлек җитештерүдә инновацияләр -– болар барысы да акселератор программасында җентекләп карала.
Беренче очрашуда уникаль ризыклар булдыру өчен продуктларны ничек сайларга һәм миксларга кирәклеге турында Франциянең тәҗрибәле шеф-пешекчесе Томас Фальцоне Ниццадан сөйләде. Русиядә сити-фермерлыкны үстерү буенча берләшмә лидеры Татьяна Дубовская һәм башкалар чыгыш ясады.
Мондый семинарлар 20 мартка кадәр һәр шимбә көнне Стәрлетамак коворкингы мәйданчыгында узачак.
Әлеге чаралар Русия Президенты Владимир Путинның гомумдәүләт проектын тормышка ашыру кысаларында башкарыла.

Эшкуарлык дәүләт комитетының матбугат үзәге фотосы.