Мөрсәлимлеләр Радий Хәбировка була мәдәният йортына ия булды

22 гыйнварда Салават районының Мөрсәлим авылында мәдәният йортын ачу тантанасы узды. Мәдәният учагы Русия Президенты Владимир Путинның май указы белән расланган “Мәдәният” илкүләм проекты кысаларында төзелде.

Чарада катнашкан Салават районы хакимияте башлыгы Марс Кашапов, мәдәният министры урынбасары Илдар Хәмитова, Дәүләт җыелышы-Корылтай депутаты Светлана Туразҗанова, Капиталь төзелеш идарәсе вәкиле Александр Чернядьев һәм башкалар авыл халкын әлеге истәлекле һәм көтеп алынган вакыйга белән котладылар. Кызыл тасманы кискәннән соң бәйрәм “Теремок” курчак спектакле, балалар өчен кино һәм яшьләр өчен “Бию ритмында” ял кичләре белән дәвам итте.

700 квадрат метрдан артык мәйданлы яңа авыл мәдәният йорты һәм 200 урынлы зал музыка, яктылык, заманча мультимедиа җиһазлары белән җиһазландырылган. Биредә шулай ук түгәрәкләр, иҗат коллективлары, китапханә урнашачак. Яңа мәдәният учагын барлык халыкның - мәктәп укучылары, пенсионерлар, яшь гаиләләр күңеленә хуш килерлек.

Шуны да искә алырга кирәк, мәдәният йорты төзелеше Башкортстан Башлыгы Радий Хәбиров 2018 елның көзендә Салават районына сәфәреннән соң башланган иде.

Башкортстан мәдәният министрлыгының матбугат үзәге фотосы.