Томограф барысын да күрә

– Аппарат магистраль генә түгел, периферик тамырларга да контраст рентгенологик тикшеренүләр үткәрергә мөмкинлек бирә, – дип сөйләде хастаханәнең баш табибы Евгений Кустов. – Ә куелган программа баш миендә тромб зарарлаган урынны билгеләргә мөмкинлек бирә. Моннан тыш, яңа КТ сыйфатлырак сурәтләр бирә һәм авыруны тикшерү вакытын биш минутка кадәр киметү исәбенә нур йөкләнеше дозасын киметә.

Компьютер томографиясе бүген төрле авыруларны диагностикалау өчен киң кулланыла. Бу методның югары мәгълүматлылыгы һәм фотоларның яхшы сыйфаты табибларга хирургия яки терапевтик патология булуын билгеләргә, авыруның алга таба агышын фаразларга һәм дәвалануның иң нәтиҗәле тактикасын эшләргә булыша.

«Сәламәтлек саклау» проекты кысаларында гамәлгә ашырыла торган «Йөрәк-кан тамырлары авырулары белән көрәш» проекты Уфаның Ашыгыч медицина ярдәме хастаханәсе базасында Төбәк кан тамырлары үзәгендә һәм ике беренчел кан тамырлары бүлегендә (Уфаның 18нче хастаханәсе, Уфа һәм Белорет үзәк клиник хастаханәләрендә) медицина җиһазларын яңадан җиһазландыруны планлаштыра. Биредә инде кыйммәтле ангиографлар, МРТ, КТ-томографлар, медицина реабилитациясе өчен җиһазлар урнаштырылган.