-6 °С
Болытлы
Барлык яңалыклар
НАЦПРОЕКТЫ — ГОМУМДӘҮЛӘТ ПРОЕКТЛАРЫ
20 ноябрь 2019, 15:40
Студентлар шәһәрчеге булачак!
Уфаның Дим микрорайонында вузара студентлар кампусы концепциясе турында фикер алышулар бара.
Уфаның Дим микрорайонында вузара студентлар кампусы концепциясе турында фикер алышулар бара. Фәнни-белем бирү үзәкләре төзү федераль проектка кергән, объектны төзүгә финанслауның бер өлешен федераль казна түләячәк. Русия территориясендә барлыгы кимендә 15 шундый үзәк төзү планлаштырыла.
Хәзер республика алдында 2020 елда проектның икенче чиратына керү бурычы тора, эшче төркем гариза бирү өчен документлар пакетын формалаштыруга кереште, дип хәбәр итә Башкортстанның Үсеш Корпорациясе. Федераль грант кампус инфраструктурасын төзүгә проектның гомуми бәясенең 25-40% күләмендә бүлеп бирелә. Элегрәк “Башинформ” агентлыгы алдан исәпләүләр буенча, вузара кампусның гомуми бәясе 11 млрд.сум тәшкил итәчәк дип хәбәр иткән иде.
Дим микрорайонындагы фәнни-тикшеренү үзәге студентлар тулай торакларын, уку, фәнни һәм лаборатор-тикшеренү, административ, хуҗалык корпусларын, спорт-сәламәтләндерү һәм медицина үзәген, шулай ук студентлар өчен ял үзәген үз эченә алачак. Кампус территориясе 124 мең квадрат метр чамасы мәйданны биләячәк, ул 5 мең кешегә исәпләнгән. Проект буенча, яңа микрорайон Уфа белән Су юлы һәм канат юлы белән тоташтырылачак. Телеүзәккә кадәр ике чакрымлы канал һәм дүрт чакрымлы аркан юлы төзү планлаштырыла.
Читайте нас:
© 1994-2024 елдан татар телендә чыгып килүче әдәби-нәфис, иҗтимагый-сәяси матбага
Баш мөхәррир: Фаил Камил улы Фәтхетдинов
Телефон
8(347)272-67-48
Электрон почта
Адресы
450079, Республика Башкортостан, г. Уфа, ул. 50 летия Октября, 13, каб. 612
Реклама хезмәте
8(347) 272-62-27
Редакция
8(347) 272-67-48
Кабул итү бүлмәсе
8(347)272-13-61
Хезмәттәшлек
8(347) 272-67-48
Кадрлар бүлеге
8(347) 272-13-61