"Чал Урал легендалары" тәмамлана

"Чал Урал легендалары" ("Легенды седого Урала") ачык конкурс-фестивале Башкортстан Республикасының 100 еллыгына, Театр елына багышлап һәм "Мәдәният" гомумдәүләт проектының "Иҗади кешеләр" төбәк проекты кысаларында үткәрелә.

2019 елның 19 ноябрендә 15.00 сәгатьтә Сибайда, Арслан Мөбарәков исемендәге Сибай дәүләт башкорт драма театрында (Ә.-З. Вәлиди, 26, Концерт залы) конкурс-фестивальнең Гала-концерты һәм күргәзмәләр оештырылачак.

"Чал Урал легендалары" ("Легенды седого Урала") ачык конкурс-фестивале Башкортстан Республикасының 100 еллыгына, Театр елына багышлап һәм "Мәдәният" гомумдәүләт проектының "Иҗади кешеләр" төбәк проекты кысаларында үткәрелә.

Конкурс-фестивальдә балалар музыкаль, хореографик, сәнгать мәктәпләре укучылары, шул исәптән мөмкинлекләре чикләнгән укучылар, мәдәният йортлары, гомум белем бирү мәктәпләре, балалар-яшүсмерләр иҗат үзәкләре карамагындагы иҗат коллективлары катнашты. Конкурсның географиясе Башкортстан белән генә чикләнмәде, анда Русиянең бүтән төбәкләре укучылары да гариза бирә алды.

Конкурс-фестиваль 3 этапта үтте:

I (сайлау) этабы 2019 елның июнь-октябрендә мәгариф учреждениеләрнең үзләрендә булды.

II (читтән торып) этап видеоязмалар буенча 2019 елның октябрь-ноябрендә Уфада үтте.

III этап Гала-концерт һәм җиңүчеләрнең эшләре күргәзмәсе рәвешендә 2019 елның 19 ноябрендә 15.00 сәгатьтә Сибайда, Арслан Мөбарәков исемендәге Сибай дәүләт башкорт драма театрында (Ә.-З. Вәлиди, 26, Концерт залы) узачак.

Чараны БР Мәдәният министрлыгы һәм министрлыкның Мәгариф буенча республика уку-методик үзәге оештыра.