Барлык яңалыклар

535 КЕШЕДӘ ЯМАН ШЕШ ТАБЫЛДЫ

Русия Президенты Владимир Путинның 2018 елның 7 маенда имзаланган 204 санлы Указына ярашлы, илдә 12 гомумдәүләт проекты тормышка ашырыла. Шулар арасында “Сәламәтлек саклау” гомумдәүләт проекты аерым әһәмияткә ия. Аны тормышка ашыруга республикада 16,4 миллиард сум акча бүленә. Әлеге эшнең нәтиҗәләре күзгә күренә башлады да инде. Мәсәлән, 22 апрельдә башланган “Сәламәт республика – сәламәт төбәк” акциясе кысаларында әлеге көнгә 100 меңгә якын кеше медицина тикшерүе үтте. Нәтиҗәдә, 535 кешедә – яман шеш, 836 кешедә – шикәр диабеты, 88 кешедә туберкулез авыруы табылды.#национальныепроекты;#нацпроекты;#региональныепроекты;#регпроекты;#нацпроектыБашкортостан;#ВладимирПутин

Әлеге акциянең төп мәгънәсе шунда: хәзер республиканың иң төпкел авылында яшәүче дә, шуннан чыкмыйча, сыйфатлы медицина ярдәме алырга мөмкин. Чөнки күчмә медицина пунктлары, сәламәтлек үзәкләре хәзер халык янына үзләре килә. Күчмә флюорограф һәм маммографлар, диагностик үзәкләр Г.Г. Куватов исемендәге Республика клиника хастаханәсеннән, Республика кардиология үзәгеннән, Республика стоматология үзәгеннән җибәрелде.
Шундый биш автопоезд биш маршрут буенча юл алды: Дуван, Нефтекама, Октябрьский, Стәрлетамак һәм Белорет төбәкләренә. Бүгенге көндә Илеш, Кушнаренко, Нуриман, Хәйбулла, Чакмагыш районнары акцияне үзендә каршы алырга җыена.
Акция барышында 96362 кеше тикшерелү үтте. 535 кешедә – яман шеш, 836 кешедә – шикәр диабеты, 88 кешедә туберкулез авырулары табылды. “Сәламәт республика – сәламәт төбәк” акциясе 2019 елның 10 октябренә кадәр дәвам итәчәк.
Илдус ФАЗЛЕТДИНОВ.