Уфада "Евразия йөрәге" тибә

12-15 июньдә Уфада "Евразия йөрәге" халыкара сәнгать фестивале үтә. Быел ул Башкортстан Республикасының 100 еллыгына багышлана. Бәйрәмнең төп чаралары Салават Юлаев һәйкәленә якын гына мәйданда – "Торатау" конгресс-холлы амфитеатрында оештырыла.

Бүген, 12 июньдә, Милли кием бәйрәме, Надежда Бабкина катнашлыгында "Русия җырлары" фестиваль-марафоны һәм “Этнотөн” булачак.

Фестивальне Башкортстан Мәдәният министрлыгы Русия Мәдәният министрлыгы булышлыгы белән үткәрә. Чара "Мәдәният" гомумдәүләт проектында билгеләнгән максатларны күз алдында тота.

#национальныепроекты;

#нацпроектыБашкортостан