Көлеп алыйк

* * *

Төнге дүрттә хатыны торып чоланга чыга. Анда кармак таякларын сындыра, җепләрен өзә, резин итеген пычак белән кискәли һәм сак кына йокларга ята. Бу вакытта аның нибары бер сәгать гомере кала.

* * *

Диңгез буе. Яр читендә генә чупырдаган бер хатын:

– Батам! – дип кычкыра.

Моны  шеткән бер ир суга ташлана.

Теге хатын:

– Юк, юк. Мин сезгә түгел, әнә теге озын буйлы егеткә кычкырам.

* * *

Начальнигы кул астында эшләүчегә:

– Карале, сиңа нәрсә булды? Карап торышка тыйнак кына ир кеше идең кебек, көтмәгәндә-уйламанда колагыңа алка тагып йөри башладың.

– Теләсәң-теләмәсәң дә тагырга туры килә.

– Нишләп?

– Бөр көнне хатын безнең караваттан алка тапты.

* * *

– Муму нинди нәселдәге эт булган?

– Буль-буль-терьер.

* * *

– Синең хатының ашарга пешерә беләме?

– Белүен белә, тик аның пешергәнен мин ашый белмим.

* * *

Мәктәпне тәмамлаучылар очрашуны “ике”ле капчыгы Вәлиевның яхтасында уздырырга булды.

* * *

Ирләр китап кебек – берәүләре акыллы, икенчеләре – кызыклы, өченчеләрендә акча ята.

* * *

Әби белән бабай үлгәннәр.Менә алар оҗмах буйлап баралар. Шундый рәхәт – тирә-якта яшеллек, кояш нурларын сибә, кошлар сайрый, җиләк-җимешләр үсеп утыра... Шулчак бабай әбинең баш чүмеченә биреп ала.

– Нәрсә өчен? Нинди гаебем бар? – ди әби.

– Әгәр иртәләрен суга пешерелгән ботка ашатып диета тотмаган булсак, без инде монда 20 ел элек үк шушылай яшәр идек.

* * *

Бер ир аягы сынып, кулбаш сөяге таеп, йөзе күгәреп хастаханәгә салына.

– Сез юл һәлакәтенә тарыдыгызмы әллә? – дип сорый табиб аннан.

– Юк... шифоньер эчендә төчкергән идем.

Фото: freepik.com