Көлеп алыйк

* * *

Ачык космос, орбитада космик станция. Люк янында трос белән бәйләнгән космонавт асылынып тора һәм куллары-аяклары белән стенаны дөбердәтә:

– Ач диләр сиңа, хайван тәре! Күрсәтермен мин сиңа кергәч “Кем бар анда?”ңны!

* * *

Сырхауханә. Палата. Авыру – шәфкать туташына:

– Сеңлем, мине моннан кайчан чыгарырлар икән?

– Кардиаграммадагы сызыклар турайгач.

* * *

Судья:

– Сез – аю кадәрле ир, шундый кечкенә генә, зәгыйфь кенә хатыныгызны кыйнарга ничек кулыгыз күтәрелде?

– Ул мине көне буе талады, мыскыллады, кыздырды!

– Нәрсә дип?

– Әйдә, кыйна, мин синнән курыкмыйм! – дип кычкырды. Әгәр бармак белән генә чиртсәң дә мин сине теге чепи күзле, пеләш башлы судья янына чакырттырам, ул карт юләр сине “ә” дигәнче төрмәгә утыртачак! – диде.

Судья:

– Аңлашылды. Эшне ябык дип игълан итәм!

* * *

Җырчыларның һәм спортчыларның хезмәт хакына карыйсың да, мәктәптә иң мөһим дәресләр – физкультура һәм җыр дәресе икәнен аңлыйсың.

* * *

Хатыны:

– Кадерлем, бөтен авырулар нерв киеренкелегеннән килеп чыга икән. Син шуны белә идеңме?

– Белсәм-белмәсәм нәрсә?

– Син бу араларда бик нервыландың, шуңа күрә синдә сифилис башланган булырга тиеш.

* * *

– Кичә кода белән аракы эчкән идек, иртән үземне яңадан туган кебек хис иттем.

– Аракы бик чиста булгандыр инде алайса.

– Юк, мине кәбестә арасыннан табып алганнар.

* * *

Ир фатирындагы бардан исерткеч эчемлекләрне сумкага тутыра.

–  Нигә ул кадәр күп аласың? Без бакчага ике генә көнгә барабыз бит, – ди хатыны.

– Без нибары ике генә көнгә барабыз да ул. Улыбыз бит тулы ике көнгә кала!

* * *

Солдат аягы авыртуга зарланып, санчастька килә. Табиб, аякны карап бернинди дә яра күрмәгәч, фельдшерга кычкыра:

– Аякны –  рентгенга!

Солдат кыяр-кыймас кына:

– Миңа да аның белән барырга мөмкинме?

Фото: seosemye.ru