Ирләрне җенләндерү файдалы

* * *

Вәлинең биш яшенә кадәр теле ачылмый. Көннәрдән бер көнне иртә белән өстәл янына утырганда, ул кинәт телгә килә:

– Нигә минем чәйгә шикәр салмадыгыз?

Шатлыктан балкыган әти-әнисе:

– Ә нигә моңа кадәр бер сүз дә әйтмәдең?

– Моңа кадәр сала идегез бит.

* * *

Мотоциклчы урамда кеше бәрдертә һәм туктамыйча китеп бара. Авыр җәрәхәтләр алган җәяүле янына полицейский килә һәм аны танып ала – инде берничә тапкыр утырып чыккан кесә карагы.

– Сез мотоцикл номерын күреп өлгермәдегезме? – дип сорау бирә инспектор.

– Юк, – дип ыңгыраша карак. – Тик аның акча янчыгы гына ничектер кулга эләгеп калган...

* * *

Наркоман көзгегә карый:

– Күрче, анда да мин, монда да мин!

Шулчак ишек шакыйлар. Наркоман ишек янына барып:

– Кем анда?

– Мин.

– Абау! Анда да мин!

* * *

Ике хатын сөйләшә:

– Син иреңнең җенен чыгарырга яратасыңмы?

– Яратам дип... кирәк булганда чыгарасың инде.

– Нинди очракларда?

– Мәсәлән, келәм кагасы булганда. Җенләндерсәң ул бу эшне бик яхшы башкара.

* * *

Юл буенда төзекләндерү эшләре бара. Бер эшче чокырны казый, ә икенчесе аның артыннан күмеп килә.

Үтеп баручы:

– Нишләп алай эшлисез, берегез казый, икенчегез күмә?

– Ул икенче түгел, ә өченче, икенчебез агач утыртырга тиеш иде,

әмма бүген ул эшкә чыкмады.

* * *

Бер-хатын күршесеннән сорый:

– Ахирәт, минем тавыкны кем үтергәнен күрмәдеңме? .

– Күрмәдем дә, ишетмәдем дә, кеше бакчасына кереп түтәлдә казынмасын иде!

* * *

Бер ирне җирлиләр. Үтеп баручы җыелган халыктан сорый:

– Нәрсәдән үлгән?

– Венокларга язылган ич, укы.

Теге адәм укый: “Яраткан хатыныннан”, “Каенанасыннан”, “Директордан”...

Фото: yandex.ru/images/search?from=tabbar&text=муж%20бьет%20ковер