Көлегез, көлегез...

Берәү аптекага кереп, очкылык тотудан дару сорый. Аптекарь моның яңагына сугып җибәрә.

– Сез нәрсә эшлисез?!

– Дәваладым. Менә бит хәзер очкылык тотмыйсыз!

– Ә кем әйтте сезгә мине очкылык тота дип? Ул дару минем хатынга кирәк иде!

* * *

Ирен сүгенүдән биздеру өчен хатыны аңа оятсыз сүз әйткән саен авызына бер таш кабарга киңәш бирә. Кич белән ире бүселгән авызын кулы белән каплап, өенә кайтып керә. Аннан телен көч-хәл белән әйләндереп, хатынына эндәшә:

– Анда, фәләнеңне төгән итим, калган ташларны машина белән төяп килделәр.

* * *

Мин хатыным белән балалар бакчасыннан ук таныш. Ул яшь кенә тәрбияче, мин балалар уйный торган комда исереп ята идем.

* * *

Иң кыска автобиография конкурсында француз хатыны җиңгән. “Элек мин шома йөзле, җыерылган юбкадан идем, хәзер җыерылган йөзле, шома юбкада йөрим”.

* * *

– Нигә балагыз караватын шулай биек итеп эшләдегез?

– Төнлә егылып төшкән очракта тавыштан уяныр өчен.

* * *

Юлда матәм чарасы бара.

– Әти, бу кешеләр нәрсә күтәргән?

– Кеше.

– Аны кая алып баралар?

– Алтын да, көмеш тә, келәм дә, кием дә, азык та булмаган җиргә.

– Алайса, безгә инде.

* * *

Физкультура укытучысының 70 процент сүз байлыгы сызгырудан тора.

* * *

Бер хатын корпоративтан кайта:

– Кадерлем, кычкырынма, хәзер барысын да сөйләп бирәм. Барысы да эчте, мин эчмәдем, калган хатын-кызлар ирләр белән үбеште, мин үбешмәдем. Салат ашадым, биедем, конкурсларда катнаштым. Тәртипле йөргәнмен бит?

– Ә күлмәгең кайда?!

Фото: yandex.ru/images/search?text