Кара әнис нинди авырулардан файдалы һәм ничек кулланыла?

Кара әнис составында 100гә якын организмга файдалы матдәләр бар: куе һәм куе булмаган майлы кислоталар, 15 төрле аминокислота, аның 8е бигрәк тә әһәмияткә ия, алар организмда эшләнмиләр һәм алар азык-төлек белән кертелергә тиеш.

Кара әнистә А, В, В2, Вд, В0, Вд, С, Е витаминнары, эфир мае, алкалоидлар һәм түбәндәге микроэлементлар: кальций, тимер, бакыр, цинк, фосфор, натрий, калий һәм моносахаридлар, каротин һәм башка биологик актив матдәләр бар.

Кара әнис орлыгын яисә маен башка табигый биостимуляторлар кебек кулланалар. Гадәттә, бу дәвалау курсы 3 айдан 6 айга чаклы дәвам итә (ләкин 1 айдан да ким булырга тиеш түгел). Даруны 15 көн кабул иткәч, 3-5 көн туктап торырга тәкъдим ителә.

Авыруның препаратны кичерү һәм мөмкинлекләренә карап, даруны эчү өчен түбәндәге ысулларның берсен сайлап алырга мөмкин:

Иртә белән ашарга 30 минут кала 1 чәй кашыгы май яисә төелгән 1 чәй кашыгы орлыкны кабул итәргә.

Ашарга 30 минут кала, 1 чәй кашыгы майны кабул итәргә һәм аннан соң 1 аш кашыгы бал болгатылган ярты стакан суны эчәргә.

Ярты стакан суга 1 чәй кашыгы әнис мае, 1 аш кашыгы бал кушып болгатырга һәм ашарга 30 минут кала кабул итәргә.

Искәрмә: кара әнис маен куллану алдыннан яхшылап болгатырга, кара әнис орлыгын киледә төяргә кирәк.

15 яшьтән узганнарга тулы доза бирелә. Балаларга һәр 4 яшькә чаклы 5 тамчы май исәпләнә. Мәсәлән: 4 яшьтәге балага — 5 тамчы. 8 яшьтәгегә — 10 тамчы, 12 яшьтәгегә — 15 тамчы. 1-2 яшьтәге балаларга зурлар дозасының 1/12~1/8 өлеше бирелә.

Әнис препаратларын кояш нуры төшмәслек, коры, салкынча урында сакларга кирәк.

Кулланыр алдыннан табиблар белән киңәшләшергә онытмагыз!