Виноградта мең дәва

1. Файдалы матдәләр чыганагы
2. Яңа өлгергән виноград тышчасының 1 граммында 50-100 мкг ресвератрол бар. Ә ул онкология һәм кайбер хроник авыруларның үсешен кисәтергә сәләтле.

2. Антиоксидантлар

Виноградта 1 600дән артык төрле антиоксидант матдәләр барлыгы билгеле. Алар аеруча җимешнең төшендә һәм тышчасында тупланган.

Галимнәр әйтүенчә, виноград  куллану – миокард инфарктына, II типтагы шикәр диабеты һәм яман шешкә каршы яхшы чара.

3. Йөрәк һәм кан тамырларының сәламәтлеген саклау

Виноградта калий күп. Ул  исә  артерия тышчаларының шома мускулатурасы йомшарта, артериаль кан басымын төшерә.  Бу, үз чиратында, гипертоник авыру үсешен кисәтә.

4. Кандагы шикәр күләмен киметә

Татлы булса да, виноградның  гликемик индексы югары түгел (якынча 53). Димәк, канда глюкозаны бик тиз күтәрми. Шулай да артык күп куллану кирәкми.

5. Сөякләрнең ныклыгын арттыру

Виноградтагы  фосфор, кальций, магний, K витамины, калий  сөякләренең тыгызлыгын саклауга булыша.  Әлеге минераллар матдәләр алмашын җайга сала, остеопорозның иртә үсешен кисәтә.

6. Иммунитетны көчәйтү

Галимнәр раславынча, виноград җимешендә вируслар, бактерияләр һәм гөмбәчекләргә каршы тора алучы  кушылмалар бар. Хәтта грипп, герпес һәм җил чәчәге  вирусына карата эффект күзәтелә.

7. Йөкле хатыннарга киңәш ителә

Виноградны йөкле хатын-кызлар рационына кертергә тәкъдим итәләр, чөнки аңарда яралгының  үсеше өчен кирәкле микроэлементлар бар һәм йогышлы авыруларны профилактикалауда да ярдәме тия.

Фото: Freepik.