АЛЛЕРГИЯДӘН НИЧЕК КОТЫЛЫРГА?

Аллергия... Бик күпләргә таныш ул бүген. Дөнья чәчәк аткан чакта кемгәдер аның яме юк, йөткерә-төчкерә, күзләре яшьләнә... Әлбәттә, бүген аллергиядән дарулар күп. Табиб кушканнарын, һичшиксез, кулланырга кирәк. Шулай да халык медицинасын да онытмыйк. Беренчедән, ул кесәгә бик сукмый, икенчедән, һәркем белгән үләннәрен куллана ала, шулай ук тискәре яклары да юк.

Аллергия... Бик күпләргә таныш ул бүген. Дөнья чәчәк аткан чакта кемгәдер аның яме юк, йөткерә-төчкерә, күзләре яшьләнә... Әлбәттә, бүген аллергиядән дарулар күп. Табиб кушканнарын, һичшиксез, кулланырга кирәк. Шулай да халык медицинасын да онытмыйк. Беренчедән, ул кесәгә бик сукмый, икенчедән, һәркем белгән үләннәрен куллана ала, шулай ук тискәре яклары да юк.

Аллергиядән сарымсак бик яхшы ярдәм итәргә мөмкин. Көн саен бер тырнак сарымсакны яхшылап изеп, бер-ике калак җылы су кушып, ашаганнан соң кулланырга кирәк.

Ашаганнан соң балы алынган кәрәзне чәйнәү дә уңай нәтиҗә бирә. Әгәр кәрәзне берничек тә таба алмыйсыз икән, бер калак бал кабып куйсагыз да була. Әлбәттә, балга аллергиягез булмаса.

Аллергиядән интеккән вакытта чәй урынына ромашка чәчкәләре төнәтеп эчү яхшы.

Саз чәчәге төнәтмәсен ашар алдыннан ярты стакан эчеп кую да файдалы.

50 грамм кура җиләге тамырларын ярты литр суда 40 минут дәвамында акрын утта кайнатырга кирәк. Көн саен өч тапкыр икешәр кашык эчәргә. Кайнатманы суыткычта сакларга.

Аллергия бетсен өчен көн саен рационда кызыл чөгендер һәм ярты стакан көнбагыш төше кулланырга кирәк.

Ярты литрлы банканы сары мәтрүшкә белән тутырыгыз һәм өстенә күмгәнче аракы салыгыз. Өч атна караңгы урында тотканнан соң сөзеп, суыткычка куегыз. Көн саен иртән ач килеш бер калак һәм йоклар алдыннан шулай ук эчеп куйсагыз, банка бушагач, аллергия белән саубуллашырсыз.

Сәламәт булыгыз, дуслар, авырмагыз!

Илдус ФАЗЛЕТДИНОВ.

Читайте нас:

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347) 272-67-48

Кабул итү бүлмәсе

8(347)272-13-61

Хезмәттәшлек

8(347) 272-67-48

Кадрлар бүлеге

8(347) 272-13-61