ҮЛЕЛӘР ДӘ КИРЕ КАЙТА...

25 июльдә сайтыбызның «Хикмәти дөнья» рубрикасына «Үлеләр дә үч ала» дип аталган язма элгән идем. Серләр, аңлашылмас һәм куркыныч хәлләр турындагы язмалар укучыларыбызны алай ук нык кызыксындырыр, дип уйламаган идем дә. Язма бик күп кеше тарафыннан укылды. Ул гына да түгел, укучыларыбыздан үзләре, танышлары белән булган серле вакыйгалар турында күпләп хатлар килә башлады. Хәтта шулар өчен махсус электрон почта ачарга туры килде. Аның адресы: [email protected].Әлеге хатларның берсе дә уйлап чыгарылмаган, аларның һәммәсенең дә конкрет җирлеге бар, вакыйгаларның урыны, хәтта ки (мөмкин булганда, әлбәттә!) аларда катнашучыларның исемнәре күрсәтелгән. Хөрмәтле укучыларыбыз! Әгәр дә сез шундый аңлашылмас, серле вакыйгаларның шаһиты булсагыз, яки алар турында ишетсәгез, хатларыгызны [email protected] адресына көтеп калам! Ә әлегә чираттагы хатны белән тәкъдим итәбез!Илдус ФАЗЛЕТДИНОВ.

Мин укыган Туймазы районы Аблай авылы мәктәбе тугыз сыйныфлы гына иде. Аны тәмамлагач, күрше Кәкребаш авылына X сыйныфка килдем. Бу авыл Аблайдан сигез чакрым ераклыкта урнашкан. Бер таныш әбидә торып укыдым.

Кышкы бер көнне ялга дип өйгә кайтып киттем. Яллар узгач, Кәкребашка якшәмбе кичендә килмичә, иртәнге автобуска гына чыгарга булдым. Ул Кәкребашка тиз илтеп җиткерде. Таң белән әле караңгы булганга күрә, мин тау башында, үзем яшәгән әбекәйнең бакчасы артында ук төшеп калдым.

Өйгә барып җитәр өчен, бакча аша, сарай белән мунча арасыннан үтәргә кирәк иде. Шуннан узган чакта күңелемне аңлашылмас шом биләп алды. Артыма борылып карасам, мунчага сөялеп торган ир-ат гәүдәсен күрдем. Ул кинәт карга ятты да миңа таба шуыша башлады.

Куркуымнан ачкычны ишек йозагы тишегенә дә туры китерә алмадым. Өйдә ут күренмәгәч, тәрәзәгә шакып тормыйча, урамга йөгереп чыктым.

Бу әбинең оныгы – минем классташым. Алар икенче урамда торалар. Сумкаларымны сөйрәп, аларга таба йөгердем. Килеп кергәч, өлкәннәр дә, балалар да бик аптырап калдылар. Йөземдә курку күреп, ни булганын сораштылар.

…Ул көнне, дәресләр тәмамлангач, әбекәем янына кайттым. Аңа барысын да сөйләп бирдем. Никтер әбием сүзләремә шаккатмады. Берничә ел элек аның ире шушы ук көнне вафат булган икән. Җитмәсә, бу аның туган көненә дә туры килгән. Ел да шушы көнне аның өрәге туган йортына әйләнеп кайтып, “хәл белешеп” китә икән.

Илмира ГАБИДУЛЛИНА,

Туймазы районы.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]