Сәдаканың файдасы

1. Сәдака бирү мал-мөлкәтне ишәйтә, ризыкны арттыра.
2. Сәдака биреп, авыруларыгызны дәвалагыз, диелә бер хәдистә. Ягъни сәдака – чирдән дәва.
3. Сәдакага юмарт булу – иманлык билгесе.
4. Сәдака бирү – тәкъвалыкка ирешүнең бер сәбәбе.
5. Сәдака җанны сафландыра һәм аның дәрәҗәсен арттыра.
6. Сәдака Кыямәт көнендә аны бирүчегә күләгә булачак.
7. Сәдака бирү – Мөхәммәт пәйгамбәрнең (с.г.в.) холык-фигыле.
8. Сәдака бирү туган-тумачалар арасын ныгыта.
9. Сәдака бөтен начар нәрсәләрдән саклый һәм Раббының ачуын баса.
10. Сәдака – каты бәгырьлелектән дәва. Каты бәгырьлелеккә зарланган бер кешегә Аллаһ рәсүле (с.г.в.) ятимнең башыннан сыйпарга һәм мохтаҗларны ашатырга киңәш иткән.
11. Сәдака – Тәмуг утыннан котылуның бер сәбәбе.
12. Сәдака хата-гөнаһларны җуя.
13. Сәдака бирү – Аллаһның сөюенә ирешүгә бер сәбәп.
14. Сәдакага юмарт кеше өчен фәрештәләр көн саен дога кылып тора.
15. Кайсыбер сәдака өчен әҗер-саваплар кешегә аның үлеменнән соң да язылып тора.
16. Сәдакага юмарт булу – Оҗмахка керүнең бер сәбәбе.

Дини матбугаттан.

Юлай Кәримов фотосы.