Балаларны саклау өчен дога

 Баланың тормышын һәм сәламәтлеген саклауга килгәндә, аларның физик һәм рухи көчләрен саклау күз алдында тотыла. Моның өчен тамырларында сәламәт кан ага торган тән кирәк, ә ул тәннең иясе рухи яктан актив булырга тиеш. 

Пәйгамбәребез салләллаһү галәйһи вә сәлләм оныклары Хәсән белән Хөсәенгә ошбу доганы укы­ган:

«Үгыйзүкүмәә  бикәлимәәтилләәһит-тәәммәти мин күлли шәйтаанин вә һәәммәтин вә мин күлли гайнин ләәммәтин».

Мәгънәсе: "Бөтен шайтаннардан, зәһәрле хайваннардан һәм күзе тигән һәр начар күздән Аллаһы Тәгаләнең тулы кәлимәләренә сыенамын".