Бүген Гашура көне

Изге мөхәррәм аеның 10нчы көне (28 июль) мөселман дөньясында Гашура көне буларак билгеләп үтелә.

"Гашура" сүзе гарәпчә “ун” дигән сүз. Бу көн шуның белән кадерле ки,  күп пәйгамбәрләр төрле бәла-казалардан котылган.

Бу көнне ураза тоту һәм хәер өләшү сөннәт санала.  Мөхәммәд (с.г.в) пәйгамбәрнең  бу көннәрдә ураза тотуы билгеле. 

Мөселманнар гашурә көн уразасын, башка дин вәкилләренә охшамас өчен,  мөхәррәмнең 9 һәм 10нчы көннәрендә яки 10нчы һәм 11нче көннәрендә тота  (Мөслим). Көч җитмәгәндә, Гашура көнендә генә тоталар.  Гашура уразасы  үткән бер ел эчендәге гөнаһлардан арынуга сәбәп була, диелә.

Пәйгамбәребез (с.г.в.): “Аллаһ Гашурада ураза тотучының узган ел өчен гөнаһларын гафу итәр дип ышанам” (Мөслим)”, -- дигән.

Чыганак: Дини әдәбият.