"Ихлас" мәчетендә күркәм очрашу

25 августта Уфада "Ихлас" мәчетенең конференц-залында Фәридә Кәнзел кызы Нәҗмиева белән очрашу узды. Фәридә ханым Санкт-Петербургта яши, француз теленнән тәрҗемәче, журналист.  Ул үзенең "Пророк (с.г.в.) великий человек всегда и сегодня" дигән яңа китабы белән таныштырды. Җыентыкта билгеле шәхесләрнең Мөхәммәд (с.г.в.) турында әйткән фикерләре, әсәрләреннән өзекләр тупланган һәм рус теленә тәрҗемә ителгән. Китап ислам дине һәм пәйгамбәребез белән кызыксынучыларга, шәкертләргә, укытучыларга тәгаенләнгән.
Очрашуны  "Рәйхан" клубы җитәкчесе Халисә Мөхәммәдиева оештырган. Чарада мәчетнең имам-хатыйбы Альфред Дәүләтшин һәм мөслимәләр катнашты.