Мөселманнар бердәм дога кылачак

Кем нинди дога белә, шуларны укый. Шулай ук, мисалга, түбәндәге доганы да укырга мөмкин.

"Аллаһүммә инни әгүзү бикә минәл-бәраси үәл-җүнүни үәл-җүзәәми үә мин сәййи-иль-әскаам".

Мәгънәсе: "Раббым, мин Синнән махау авыруыннан (проказа), акылсызлыктан, лепра чиреннән (хроник йогышлы авыру) һәм башка начар авырулардан саклавыңны сорыйм”.

Галимнәр, төрле авырулардан саклану өчен, менә бу доганы да укырга киңәш итәләр:

“Өстенлек һәм Көч иясе булган Аллаһы Тәгаләнең саклавы астына кердем. Барча галәмнәрнең Раббысына сыендым. Үлемнән өстен булган Аллаһы Тәгаләгә тәвәккәл иттем. Я Мәрхәмәт иясе Аллаһ, бездән бу ваба чирен ераклаштыр, төрле авыруларның начарлыгыннан сакла, безне йогышлы авырулардан, ваба һәм барча бәла-казалардан коткар. Һичшиксез, Синең барча нәрсәләргә Кодрәтең җитә”.