СӘДАКА БИРҮ КИРӘКМЕ?

Без бик еш алу хакында гына уйлыйбыз. Күбрәк акча, күбрәк ашау, күбрәк игътибар, күбрәк, күбрәк... Зәңгәр экраннардан, урамнардагы баганалардан, тагын әллә кайлардан көн-төн агылган реклама шул теләкне тагын да котыртып кына тора: яхшы фатир, затлы машина, модалы кием кирәк... Гаҗәп ки, диннәрнең һәркайсы диярлек киресенә өнди: җитәрлек кенә тукланырга, байлыкка омтылмаска, тыйнак булырга. Алай гына түгел, сәдака, хәер бирергә! Ни өчен? Сәдака бирүнең нинди серләре бар соң?

1. Сәдака бирү мал-мөлкәтне ишәйтә, ризыкны арттыра.

2. Сәдака биреп, авыруларыгызны дәвалагыз, диелә бер хәдистә. Ягъни сәдака ‒ чирдән дәва.

3. Сәдакага юмарт булу ‒ иманлылык билгесе.

4. Сәдака бирү ‒ тәкъвалыкка ирешүнең бер сәбәбе.

5. Сәдака җанны сафландыра һәм аның дәрәҗәсен арттыра.

6. Сәдака Кыямәт көнендә аны бирүчегә күләгә булачак.

7. Сәдака бирү ‒ Мөхәммәт пәйгамбәрнең ﷺ холык-фигыле.

8. Сәдака бирү туган-тумача арасын ныгыта.

9. Сәдака бөтен начар нәрсәләрдән саклый һәм Раббының ачуын баса.

10. Сәдака ‒ каты бәгырьлелектән дәва. Каты бәгырьлелеккә зарланган бер кешегә Аллаһ рәсүле ﷺ ятимнең башыннан сыйпарга һәм мохтаҗларны ашатырга киңәш иткән.

11. Сәдака ‒ Тәмуг утыннан котылуның бер сәбәбе.

12. Сәдака хата-гөнаһларны җуя.

13. Сәдака бирү – Аллаһның сөюенә ирешүгә бер сәбәп.

14. Фәрештәләр сәдакага юмарт кеше өчен көн саен дога кылып тора.

15. Кайсыбер сәдака өчен әҗер-саваплар кешегә аның үлеменнән соң да язылып тора.

16. Сәдакага юмарт булу ‒ Оҗмахка керүнең бер сәбәбе.

Фото: https://pixabay.com/ru.

Читайте нас:

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347) 272-67-48

Кабул итү бүлмәсе

8(347)272-13-61

Хезмәттәшлек

8(347) 272-67-48

Кадрлар бүлеге

8(347) 272-13-61