Сәвия МОРТАЗИНА (ВАХИТОВА). Горурланырлык гаилә. Хикәя-бикәя

Галинур – гайнәләрдән. Гайнәләрнең гореф-гадәте Галинурда: гарьчел, горур, гадел. Гомер-гомеренә газовик Галинур – Големдә. Гүзәлләрдән-гүзәл Гашүрәсенә гашыйк, Големдә гөрләтеп гомер гизәләр. Гашүрә географиядән гыйлемле. Големнең гадәти гражданнары. Гадәтиме? Горурланырлыкмы? Галинур, Гашүрәнең гомер гөлләре, гөлләмәләр – Гөлгенә, Гөлшат, Гөлмира. Гайрәтле газизләре –  Гаян, Гамир, Гафур.

Гөлгенә – гаиләле, гыйлемле, гәзиттә гел генә гыйльми гамәлләре. Гөлшат – геолог. Гөлмиралары – гаиләсез, гимнастка, Геленджиктагы гимнастлар группасында. Гаяннары – гаиләле гармунчы, гомере, гадәттәгечә, гастрольләрдә. Гамирның гомере – Големдә, “Газель”дә гизә, гаиләле. Гүзәле, газизе – Гәүһәр.

Гафурлары гимназиядә гыйлемдә. Гадәттәгечә, гыйнварда Гаяннары гастрольдә. Галинур, Гашүрәнең гаиләсе гөрләвектәй гөрли, гүли. Гөлгенәдән – газизләренә гөл, Гөлшаттан – гәүһәр гәрәбә, Гөлмирадан Гашүрәгә – галошлар, Гаяннан Галинурга, Гашүрәгә –  гармун. Гаиләгә – груша, грейпфрукт, гранат.

Гашүрә гаҗәпләнә. Галинур горур гына, гайрәтләнеп Гашүрәсенә:

– Геройбыз! Горурланырлык гаиләбез! Гөрли Голем! Газизләребез гөрләтә! Горурланырлыкбыз!

Гашүрә гадәти генә:

– Гүләмә генерал галәмәте, гөрелдәмә! Гаиләбез гадәти!

Галинур гадәттәгечә гайрәтле:

– Гашүрәкәй, гадәти генә? Гафү! Горурланырлык, горурланырлык, гаиләбез!

Гашүрә Галинурына:

– Героем! Генералым! Гомерлек газизем!

Гашыйклар Галинур-Гашүрә, гомерлек гашыйклар! Гашыйклар гына – горурланырлык гаилә!

Сәвия МОРТАЗИНА (Вахитова).

Фото авторның социаль челтәрдәге битеннән алынды.