Бархатцы

Бавыр авыртканда, бер кипкән чәчәкне (яки 1 чәй кашыгын) бер стакан кайнар суда төнәтәләр һәм дүрттән бер стакан гына эчәләр.

Панкреатит кискенләшкәндә, шундый төнәтмәне 1 аш кашыгы күләмендә һәр сәгать ярым-ике сәгать саен кабул итәләр.

Томау һәм гайморит булганда, чәчәкләр белән ингаляция ясыйлар.

5 кипкән чәчәк алабыз, ваклыйбыз, 0,5 литр күләмендәге чәйнеккә салабыз, кайнар суны чәйнек борынының түбәнге нигезенә кадәр агызабыз һәм 5 минутка төреп куябыз.

Билгеләнгән вакыт узгач, авыз белән чәйнек борыныннан һава сулыйбыз, борын белән чыгарабыз. Борын ирекле сулый башлагач, борын белән сулыйбыз, ә авыз белән чыгарабыз.