Кемгә хөрмә ашарга ярамый?

Хөрмәдә файдалы матдәләр күп. Тик аның бик баллы һәм калорияле җиләк-җимеш булуы турында да онытмаска кирәк. Шуңа күрә диабет белән авыручыларга хөрмәне ашамаска , ашаган очракта бик аз күләмдә генә ашарга киңәш ителә (көнгә 1дән дә күбрәк ярамый). Чөнки ул инсулин күләмен арттырырга мөмкин.

Сәламәт кешеләргә исә көненә 2-3 хөрмә рөхсәт ителә, аннан да күбрәк ашарга кирәкми: ул тазарта.

Хөрмә сидекне яхшы кудыра (анда су күп бит). Шешенүләрдән интеккән кешеләр өчен бу - яхшы сыйфат. Ә менә бөерләрендә таш булганнарга аны ашарга киңәш ителми. Авыруның тагын да көчәюен теләмәсәгез, билгеле. Хөрмәдән башка да тәмле җиләк-җимеш, яшелчәләр күп бит!

Хөрмәнең авызны бөрештергәнен һәркем белә. Ни өчен икәнен беләсезме? Бу аның составында танин дигән матдә аркасында шулай. Ул сәламәтлек өчен куркыныч тудырмый, тик менә ашказанындагы ризыкларны бер-берсенә ябыштыра ала. Әгәр эчегез кибә икән (запор), сезгә хөрмә ашау тыела. Чөнки таниннар хәлне тагын да авырайтырга мөмкин. Ә менә эчләре китүчеләргә (диарея) хөрмә файдага гына булачак.