Бака яфрагыннан шифалы сироп

Яшь бака яфракларын банкага катламлап салырга. Һәр сантиметрлы катламга мул итеп бал салырга (шикәр комы кулланырга мөмкин), агач кашык белән тыгызларга. Әлеге процедураны банканың башына кадәр башкарырга. Бака яфрагы һәм бал салынган банканы 10 көнгә караңгы урынга куярга. Табылган сиропны агызырга һәм какырыкның китүен яхшырту һәм ашказаны-эчәк тракты авырулары вакытында кулланырга.