Сыйфат бизмəненə

– Яшелчәләрне суда яисə парда əзерлилəр.

– Бəрəңге белəн кишерне парда тоту əйбəт. Кайнаганда өстен каплау хəерле.

– Яшелчəлəрне кайнап торган тозлы суга яисə шулпага салып пешерəлəр.

– Су белән яшелчəнең өсте капланырга тиеш.

– Башта чөгендер, кəбестə, аннан соң бəрəңге салына.

– Эре бəрəңге һəм эре яшелчəлəр витаминнарын азрак югалта, яшелчəне бөтен килеш пешергəндə, аның файдалы матдəлəре күбрəк саклана.

– Яшел төстəге яшелчəлəрне өстен капламыйча пешерəлəр. Болай эшлəгəндə аларның төсе үзгəрми.

– 1 килограмм яшелчə пешə торган суга ярты бал кашыгы чəй содасы салсаң, яшел тəмлəткечлəрнең һəм яшелчəлəрнең үз төсе саклана. Пешеп чыгуга ук аларны уттан алалар.

– Кабыкларын җылы чакта əрчилəр.

– Чистартылган яшелчəлəрне суда сакларга ярамый. Чөнки витаминнары суга күчə. Кирəк икəн, өстенə калын тастымал каплап торырга була.

– Хуҗабикəлəр яшелчə пешкəн суны шулпа итеп файдаланалар.

– Пешкəн яшелчəлəрне җылытырга ярамый, витаминнары югала.

– Яшелчəне табынга бирер алдыннан кискəлəү һəм турау максатка ярашлы.

– Яшелчə һəм җилəк-җимешне эмаль савытта пешерəлəр.

– Җəйге эсседə яфраклы яшелчə тəмлəткечлəрне аш серкəсенə манчылган чүпрəккə төреп куялар, болай эшлəгəндə алар шиңми.

– Бөрешə-шиңə башлаган яшелчəлəрне бер сəгать бер аш кашык серкə өстəлгəн салкын суда тотсаң, сабактан яңа өзеп алган кебек булыр.

– Яшелчəне томалап ябыла торган шкафта яки тартмада сакларга ярамый. Аны һава йөри торган урында тотарга киңəш ителə.

– Бəрəңге һəм башка яшелчəлəрне тутыкмый торган тимердəн ясалган пычак белəн əрчилəр. Болай эшлəгəндə кул каралмый. Бəрəңге əрчер алдыннан кулны аш серкəсе белəн сөртү дə шундый ук нəтиҗə бирə.