Тәмле оладьи

0,5 литр кефирны җылытабыз, әмма кайнатып чыгармыйбыз.

1 чәй кашыгы тоз,

4 чәй кашыгы шикәр комы,

1 йомырканы туглап, күпертеп салабыз.

Он салып, куерак итеп камыр изәбез. Ул кашыктан авырлык белән төшәргә тиеш. Яхшылап изгәч кенә 1 чәй кашыгы тулыр-тулмас аш содасы өстәп, болгатабыз. Камыр шунда ук кабарып китә.

Бер 10-15 минут ял иттергәч, пешерә башларга була. Табага майны күп салмыйбыз, артык кызу булмаган утта майны өсти-өсти пешерәбез.

Күбрәк кирәксә, азык-төлек күләмен икеләтә алабыз.

Ашларыгыз тәмле булсын, дуслар!