Өрек (абрикос) кайнатмасы

Кайнатма өчен мөмкин кадәр өлгергән җимешләрне сайлыйлар. Хуш исе килеп торса, төсе кызгылтрак булса, бигрәк яхшы. Алар гадәтттә ваграк була.

Җимешләрне яхшылап юабыз. Һәрберсен урталай бүләбез, төшләрен җыя барабыз. Ярты бүлемнәрне янә уртага кисәргә була.

Инде өрекләрне эмаль яки пыяла кәстрүлгә салабыз (оксидлашу реакциясе булмасын өчен алюмин савыт-саба кулланырга кирәкми) һәм шикәр комы кушабыз.

Гадәттә, 1 кг өреккә 1 кг шикәр комы алына. Өрек баллы булса, шикәрне азрак күләмдә (0,8 –0,9 кг) кулланырга мөмкин.

Катнашманы 6-8 сәгатькә я төнгелеккә калдырабыз. Төшләрне ватып чистартабыз.

Суты чыккан катнашманы уртача я сүрән утка куеп кайнатып чыгарабыз. Даими болгатып торабыз, юкса, өрек кайнатмасы бик тиз көеп китүчән. Күбеге шактый күтәрелә, аны җыеп түгә барабыз.

Кайнатуның берничә ысулы бар.

Озак саклаганда кайнатманың өсте күгәрмәсен өчен аны банкаларга тутырып салырга кирәк. Капрон капкачларны эчке ягыннан көнбагыш мае белән майлау да килешә.

Банкаларны җылы одеялга төреп, суынганчы тотабыз.

Кайнатманы салкынча урында, иң яхшысы – суыткычта саклыйбыз.

Беренче тапкыр кайнап чыккач, 5 минуттан сүндерәбез һәм тулсынча суынганын көтәбез. Икенче тапкыр янә 5 минут кайнатып алабыз. Суынгач, инде өченчегә (өрекнең чистартылган төшләрен дә кушып) 5 минут кайнатабыз.

Чәйләрегез тәмле булсын, дуслар!