Тәбикмәкнең янә бер рецепты

Бу рецептны безгә Агыйдел шәһәреннән Рәфисә апа Салихҗанова тәкъдим итте. Ике өлеш манный ярмасы, бер өлеш он кулланыла.

1. 1 аш кашыгы коры чүпрә (дрожжи), ярты чәй кашыгы шикәр комын 1 чынаяк суга салып, кабарырга куябыз.

2. 2 йомырканы сытып, 2 аш кашыгы кашык көнбагыш мае кушып, яхшылап болгатабыз.

3. Әлеге массага кабарган чүпрәне кушып, бутыйбыз.

4. 4 чынаяк манный ярмасы, 2 чынаяк он өстибез, 4 чынаяк җылы су салабыз һәм куерак итеп камыр туглыйбыз.

5. Камыр 2 сәгатьтән кабара. 1 литрлап кайнар сөт, бер чәй кашыгы аш содасы салып ишлибез, ягъни болгатабыз.

6. 10-15 минуттан, куыклар "пылт-пылт итеп" кабарып менә башлагач, коры табада пешерәбез.

Рәфисә апа: "Камыр куе булса, тәбикмәкнең күләме күп чыга, — ди. — Җылы көе бигерәк тәмле. Пешереп, майлый торасың, ашый торалар".

Тәбикмәк азрак кирәксә, ризыкларны ярты күләмдә генә алабыз.

Ашларыгыз тәмле булсын, дуслар!

Читайте нас:

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347) 272-67-48

Кабул итү бүлмәсе

8(347)272-13-61

Хезмәттәшлек

8(347) 272-67-48

Кадрлар бүлеге

8(347) 272-13-61