Яңа ел мәзәкләре

Яңа елга бер сәгать кала табиб өенә кайтып җитә. Күрә – раковинасы тыгылган. Сантехникка шалтырата:

– Килеп чистартып китегез әле.

– Сез нәрсә, акылдан шаштыгыз мәллә? Бер сәгатьтән Яңа ел җитә.

– Безнең турыда уйлап карагыз. Урамда яңгырмы, буранмы – авырулар янына ашыгабыз.

– Сез безнең табибмыни? Хәзер килеп җитәм.

Килә.

– Күрсәтегез, нинди проблемаларыгыз бар?

– Менә, раковина тыгылган, ә хәзер кунаклар килергә тиеш.

Сантехник игътибар белән раковинаны карый да ак порошок сибә:

– Бер атнадан яхшырмаса, шалтыратырсыз.

* * *

– Кыш бабай, Яңа елга зур янгын сүндерү машинасы телим!

– Ярар, – ди Кыш бабай һәм йортка ут төртеп чыгып китә.

* * *

1нче гыйнвар. Торып кичке ашны ашар вакыт...

* * *

– Әни, әни! Чыршы яна!

– Янмый, улым, ә балкый.

– Әни, әни! Тәрәзә пәрдәләре балкый!

* * *

Балалар бакчасыннан Вәли тырналып кайтып керә.

– Нәрсә булды? – дип сорыйлар аннан.

– Яңа ел кичәсендә кулга-кул тотынышып чыршы тирәли әйләнгән идек. Чыршы зур, балалар аз килгән булып чыкты.

* * *

Ишеккә шакыйлар. Кыш бабай килгән. Кечкенә яшьтәге малай борчылып сорый:

– Кыш бабай, нигә синең капчыгың буш?

– Хәзер тула ул! Әйдә әле, ач шкаф ишекләрен!

Фото: tr.sputniknews.com