Безне “Китап-Байрам-2026” көтә!

Берничә ел узган бу “Китап-Байрам” мәдәни диалогның әһәмиятле халыкара мәйданына гына түгел, ә илебездә халык иң күп йөри торган  китап ярминкәсенә дә әверелде. Ярминкәгә ел саен Русия төбәкләреннән һәм чит илләрдән йөзләгән катнашучы җыела, ә килүчеләр саны дистәләгән меңнәр белән исәпләнә. Башкортстан Республикасы ярминкәне уздыру йомгаклары буенча “Русиянең әдәби флагманы” статусына лаек булды, бу федераль дәрәҗәдә проектның югары дәрәҗәдә оештырылуын һәм әһәмиятен ассызыклый. 2025 елда Башкортстан Республикасы һәм Русия китап берлеге хезмәттәшлек турында килешү төзеделәр. 2026 елда “Китап-Байрам” Союзның партнерлык ярдәме белән узачак, бу һөнәри программаны киңәйтү, әйдәп баручы нәшриятлар белән элемтәләрне ныгыту һәм проектның федераль катнашуын көчәйтү өчен яңа мөмкинлекләр ача.

Өч көн дәвамында ярминкә мәйданчыгында көн саен 10.00 сәгатьтән 22.00 сәгатькә кадәр бай программа тәкъдим ителәчәк: тематик зоналар, китап яңалыкларын тәкъдир итү, язучылар һәм нәширләр белән очрашулар, автограф-сессияләр, дискуссияләр һәм бөтен гаилә өчен мәдәни чаралар. Эшлекле һәм мәдәни программа кысаларында ярминкәнең һәр көне үзенең тематик юнәлешендә булачак: беренче көн – халыклар бердәмлегенә, икенчесе – традицион гаилә кыйммәтләренә, өченчесе – Русия тарихына, үткәннәрне искә алуга һәм хөрмәт итүгә багышланачак. Быел мәгариф программасына аерым игътибар биреләчәк. Ул Русиянең “Белем”  җәмгыяте катнашлыгында гамәлгә ашырылачак һәм  ачык диалоглар, экспертлар белән мәгърифәтчелек очрашулары белән тәкъдим ителәчәк. Тарихи хәтер, гражданлык җаваплылыгы һәм илнең төп вакыйгаларын заманча аңлау мәсьәләләренә багышланган патриотик мәйданчык мөһим өлешкә әвереләчәк.

Чараларга старт 27 майда, Гомумрусия китапханәләр көнендә биреләчәк, бу төбәк көн тәртибен федераль көн тәртибе белән туры китереләчәк.

“Китап-Байрам” ярминкәдән дә зуррак. Бу вакыйга укуга кызыксыну уята һәм Уфаның Русиянең әдәби тормыш үзәге статусын ныгыта. Әдәбиятны яратучыларны бу язның иң якты мәдәни вакыйгаларына кушылырга чакырабыз.

Белешмә: “Китап-Байрам” Халыкара китап ярминкәсе Башкортстан Республикасы Башлыгы инициативасы һәм Башкортстан Республикасы Хөкүмәте ярдәме белән 2023 елдан бирле үткәрелә. Бу вакыт эчендә проект төбәкнең төп мәдәни вакыйгаларының берсенә әверелде һәм федераль танылу алды.