Башкортстан студентлары үз стартабы турында белдерә ала

Конкурс үз проектыңны тормышка ашыру өчен 1 миллион сум күләмендә грант алырга мөмкинлек бирә. Программа 2022 елдан бирле гамәлдә. Башкортстанда гына да бу вакыт эчендә 434 студент җиңүче булды, шуларның 158 е 2025 елда җиңү яулады. 2025 елда Русия буенча барлыгы 2500 инициатива хупланган, ә агымдагы елда 2250 проектны финанслау планлаштырыла.

Катнашу шартлары демократик: Россия югары уку йортының теләсә кайсы студенты, шул исәптән чит ил кешеләре, шулай ук фәнни оешмаларның ординаторлары һәм аспирантлары гариза бирергә хокуклы. Уку формасына карата яшь чикләүләре яки таләпләр каралмаган.

Гаризалар төп җиде юнәлеш буенча бәяләнә:

- цифрлы технологияләр;
- медицина һәм сәламәтлек саклау;
- яңа материаллар һәм химик технологияләр;
- приборлар һәм җитештерү технологияләре;
- биотехнологияләр;
- ресурсларны сак тоту энергетикасы;
- креатив индустрияләр.
Милли проектларның өстенлекләренә туры килә торган проектларга аерым игътибар бирелә.

Тулырак бу хакта: ЦСИ РБ - Центр Содействия Инновациям в Республике Башкортостан.