Балалы гаиләләргә бердәм пособие һәм алиментлар хәзер ничек билгеләнә?

– Бердәм пособие нәрсә ул?

–Бердәм пособие – ул 17 яшькә кадәрге балаларны тәрбияләүче гаиләләргә һәм йөкле хатын-кызларга дәүләт тарафыннан түләнә торган ярдәм.

– 2026 елда пособие арттымы?

– Әйе. 2026 елның 1 гыйнварыннан Башкортстанда бердәм пособие күләме артты, чөнки төбәктә яшәү минимумы күтәрелде.

– Балаларга хәзер күпме түләнәчәк?

–17 яшькә кадәрге балаларга пособие өч төрле күләмдә билгеләнә:

8 175 сум – минималь күләм (50 %),

12 262,50 сум – уртача (75 %),

16 350 сум – максималь (100 %).

Кайсы сумманы алачагыгыз гаиләнең кеременә бәйле.

– Йөкле хатын-кызлар ничә сум ала?

2026 елда йөкле хатын-кызларга бердәм пособие:

– 9 186,50 сум,

– 13 779,75 сум,

яки 18 373 сум күләмендә түләнә.

– Пособие алу өчен керемгә нинди таләпләр бар?

– Хәзер 18 яшьтән өлкән һәр эшкә яраклы гаилә әгъзасының еллык кереме кимендә 8 МРОТ булырга тиеш. Бу 216 744 сум дигән сүз.

– Әгәр кеше эшләмәсә, пособие бирмиләрме?

– Юк, бирмиләр дигән сүз түгел. Әгәр керем булмау:

– инвалидлык,

– картлык пенсиясе,

– туендыручысын югалту,

– бала карау

кебек мөһим сәбәпләр белән аңлатылса, пособие билгеләнә.

– Пенсия керем булып санала аламы?

– Юк. 2026 елдан башлап картлык, инвалидлык яки туендыручысын югалту буенча пенсия алу – керем булмавын аклаучы сәбәп дип санала.

– Бала туу уңаеннан бирелгән бер тапкырлык ярдәм исәпкә алынамы?

– Юк. Эш бирүче тарафыннан бала туу яки уллыкка алу очрагында бирелгән бер тапкырлык матди ярдәм гаилә кеременә кертелми.

– Алиментлар хәзер ничек исәпләнә?

– 2026 елның 1 мартыннан алимент түләү турында суд карары булмаса:

– бер балага – ¼ өлеш,

– ике балага – ⅓ өлеш,

– өч һәм аннан күбрәк балага – ½ өлеш

төбәктәге уртача хезмәт хакы нигезендә исәпләнәчәк.

Ә суд карары бар икән – фактик түләнгән сумма гына исәпкә алыначак.

– Арттырылган пособие кайчан килә?

– Гыйнвар өчен арттырылган пособие февраль башында, бердәм түләү көнендә күчереләчәк.

– Беренче тапкыр гариза бирсәм, акчаны кайчан алам?

– Гариза хупланса, акча 5 эш көне эчендә күчерелә.

– Сораулар туса, кая мөрәҗәгать итәргә?

– Русия Социаль фондының Башкортстан бүлекчәсенә бушлай шалтыратырга мөмкин:📞 8-800-100-00-01

Чыганак: Русия Социаль фондының Башкортстан бүлекчәсе матбугат хезмәте