Пенсия тупланмаларын алдыгызмы?

Пенсия тупланмалары гражданнарга я берьюлы тулы суммада, яки ай саен өлешләп түләнә. Түләү формасын билгеләү ачык исәпләү кагыйдәләре кертелү нәтиҗәсендә күпкә җиңеләйде.

Түләү ысулын сайлау өчен гражданның пенсия тупланмалары суммасыннан һәм билгеләнгән түләү чорыннан чыгып, айлык түләүләр күләмен исәпләп чыгарга кирәк. Мәсәлән, 2025 елда бу чор 55 яшьтән өлкәнрәк хатын-кызлар һәм 60 яшьтән өлкәнрәк ир-атлар өчен 270 айны тәшкил итә. Әгәр айлык түләү суммасы Русия пенсионерының яшәү минимумының 10% ына тигез яки аннан түбән булса, граждан җыелмаларны берьюлы алачак. Калган очракларда ай саен җыелма пенсия яки вакытында билгеләнгән пенсия түләве билгеләнә.

Мәсәлән, 2025 елда 55 яшькә җиткән республика хатынының пенсия тупланмалары күләме – 400 000 сум. 400 000 сум / 270 ай = 1 481,48 сум. Пенсионерның яшәү минимумының 10% ы – 1 525 сум. Бу күләм рөхсәт ителгән 10% тан ким булганлыктан, аңа барлык акчаны берьюлы түләү каралган.

Искә төшерик, пенсия тупланмалары 1967 елда һәм аннан яшьрәк гражданнарда, аларның эш бирүчеләре 2014 елга кадәр страховка взнослары түләгән кешеләрдә; 1953–1966 елларда туган ир-атларда һәм 1957–1966 елларда туган хатын-кызларда, алар өчен эш бирүчеләр 2002–2004 елларда түләүләр керткән очракта; шулай ук дәүләтнең пенсия тупланмаларын финанслау программасында катнашучыларда һәм әниләр капиталын үзләренең җыелма пенсиясенә юнәлткән кешеләрдә формалашты. Мондый түләүнең чоры гариза бирүче тарафыннан билгеләнә, әмма ул 10 елдан ким булмаска тиеш.

Пенсия тупланмалары алу өчен гаризаны дәүләт хезмәтләре порталында яки Башкортстан Республикасы буенча Соцфонд бүлегенең клиент хезмәтләрендә тапшырырга мөмкин.

Әгәр бу акчалар дәүләт булмаган пенсия фондында (НПФ) булса, аларны алу өчен НПФка мөрәҗәгать итәргә кирәк.

Гражданнар пенсия тупланмалары күләмен дәүләт хезмәтләре порталында шәхси исәптән выписка заказ итеп яки Башкортстан Республикасы буенча СФР бүлегенең клиент хезмәтенә мөрәҗәгать итеп белә ала.

Пенсия тупланмалары билгеләү һәм түләү тәртибе буенча сораулар килеп чыккан очракта, бердәм контакт-үзәк белгечләре гражданнарга 8(800)100-00-01 номеры буенча эш көннәрендә дүшәмбедән җомгага кадәр эш сәгатьләрендә консультация бирә.

Чыганак: Русия Социаль фондының Башкортстан Республикасы буенча матбугат хезмәте.