Татар теле укытучылары өчен квалификация күтәрү курслары ачыла

Уфа Фән һәм технологияләр университетының татар филологиясе һәм мәдәнияте кафедрасы туган тел һәм әдәбият укытучыларын, матбугат хезмәткәрләрен һәм, гомумән, көндәлек эшчәнлеге татар теле белән бәйле затларны “Сөйләм күнекмәләрен камилләштерү” (“Совершенствование речевых навыков”) дип аталган өстәмә һөнәри квалификация күтәрү курсларына чакыра.

16 сәгатькә исәпләнелгән программа 31 мартта башланып, 11 апрельдә тәмамланырга тиеш. Дәресләрне кафедра доцентлары И.Ф. Зарипова һәм Л.Р. Сәгыйдуллина алып барачак. Курслар тәмамлангач, махсус тест рәвешендә аттестация үткәрелә. Аның нәтиҗәләре буенча тыңлаучыларга дәүләт стандартларындагы “Квалификация күтәрү турында таныклык” (“Удостоверение о повышении квалификации”) тапшырылачак.

Программа түбәндәге проблемаларны үз эченә ала:

1. Орфоэпиядә иң киң таралган хаталар һәм аларны төзәтү ысуллары;
2. Татар телендә грамматик формаларны кулланудагы кыенлыклар һәм алардан котылу юллары;
3. Язма һәм телдән сөйләмдә синтаксик хаталар;
4. Язма сөйләмдә киң таралган пунктуацион хаталар һәм алар белән көрәш.

Әлеге кыска вакытка исәпләнгән программа якын арада һөнәри аттестация үтәргә тиешле укытучылар, матбугат, мәдәният хезмәткәрләре өчен менә дигән ярдәм булачак!

Күрми калмагыз!

Курсларның бәясе – нибары 1500 сум.

Программа турында тулы мәгълүматны һәм документлар исемлеген алу өчен контакт-бәйләнешләр:

Илдус ФАЗЛЕТДИНОВ (программа җитәкчесе) –

тел.: 89273104111; e-mail: fazlutdinov75@mail.ru;

Альбина ХӘЛИУЛЛИНА (татар филологиясе һәм мәдәнияте кафедрасы мөдире) тел.: 89273199614; e-mail: ahmali76@mail.ru

Шылтыратыгыз! Языгыз! Көтеп калабыз!

Фото: УФһТУның татар филологиясе һәм мәдәнияте кафедрасы.