150 мең ел элек тә аяк киеме кигәннәр

Көньяк Африкадагы  борынгы аяк эзләрен анализлау   кешеләр 148 мең ел элек үк сандалилар киеп йөргән дип уйларга мөмкинлек бирә. Кешенең кайчан һәм кайда аяк киеме ясаганын төгәл билгеләү кыен, чөнки ул нигездә тире һәм үсемлек җепселләре кебек тиз бозыла торган материаллардан эшләнә. Шуңа бәйле рәвештә археологик таныклыклар калмаган диярлек. Нәкъ менә шунда ихнология – ягъни тере затлар калдырган казылма эзләрне өйрәнү фәне ярдәмгә килә. Аяк киеме кигән гоминидлар калдырган эзләр потенциаль рәвештә аяк киеменең кайчан һәм кайда кулланылуын күз алдына китерергә мөмкинлек бирә.

Көньяк Африка һәм көнбатыш Европа мондый эзләрне ачыклау өчен җитди төбәкләр булып тора. Бу урыннарда урта таш гасыр (яки урта палеолит) чорында кешеләр яшәгәнлеге билгеле. Әлеге төбәкләрдә яшәүчеләрнең әйләнә-тирә мохитнең төрле шартларыннан саклану өчен аяк киеме ясаулары ихтимал. Көньяк Африкадан килгән борынгы эзләрне тикшеренүчеләр төркеме Көньяк Африканың Капск яр буенда өч палеоөслектә яңа ихнологик сурәтләр табылуы турында игълан итте. Бу эзләрдә бармак билгеләре юк, ләкин “түгәрәк алгы очлары, ачык кырыйлары һәм каеш белән беркетелгән нокталары булган эзләр” бар. Якын-тирәдә урнашкан башка токымнар һәм катламнар яшеннән чыгып, тикшеренүчеләр 148 мең еллар элек туфракта калган булырга мөмкин, дип фаразлыйлар.

Моңа кадәр аяк киемен Грециядә 130 мең ел элек  неандертальләр кигәнлеге ачылган иде.

Фото: new-science.ru