Башкортстан туристлык үзәге булырга тиеш!

Башкортстан Республикасы Башлыгы Радий Хәбиров йөкләмәсе буенча, Башкортстанда туристик-рекреацион кластерлар төзү буенча конкурс игълан ителде. Аның кысаларында республиканың Туризм буенча дәүләт комитеты туристлык навигациясенең яңа билгеләрен һәм күрсәткечләрен урнаштыру эшенә тотынды.

Билгеләр туристларга төбәкнең истәлекле һәм матур урыннарына, Башкортстанның туристлык үзәкләренә, төрле табигый һәм археологик объектларга, шулай ук музейларга һәм һәйкәлләргә барырга ярдәм итә.
Билгеләр федераль, төбәк һәм урындагы әһәмияттәге юлларда урнаштырыла. Гомумән алганда, 30 сентябрьгә кадәр 1500 тамга урнаштыру планлаштырыла.

Хәзер Уфада һәм Бөредә туризм өлкәсендә навигация системасының мәгълүмати билгеләрен урнаштыру буенча актив эш алып барыла. Шундый ук күрсәткечләр республиканың барлык шәһәрләрендә дә барлыкка киләчәк.

Әлеге навигация системасы кешеләрнең туристлык объектларына керүен җиңеләйтәчәк, Башкортстан Республикасы буенча маршрут төзергә, яңа урыннар һәм локацияләр ачарга мөмкинлек бирәчәк.

Туристлык навигациясе билгеләре ГОСТР 57581-2017 буенча эшләнгән һәм туризм өлкәсендә навигация системасының мәгълүмат билгеләренә гомум таләпләргә җавап бирә. Стандарт бертөрле визуаль элементлар булуны күздә тота, барлык билгеләр информатив, күрсәтмә һәм технологик булып тора. Рәсмиләштергәндә ак һәм көрән төстәге гамма һәм билгеле бер шрифт кулланыла.

Алга киткән туристлык инфраструктурасы булган күп кенә илләрдә визуаль коммуникацияләрнең шундый ук системасы кулланыла. Федераль һәм төбәк әһәмиятендәге юллардагы объектларның атамалары ике телдә дә күрсәтелгән: урыс һәм инглиз телендә. Шулай ук күрсәткечләрдә урыннарга кадәр ара язылган. Югарыда санап үтелгәннәрнең барысы да дөньяның төрле почмакларыннан килгән туристларга мәгълүматны тиз танып-белергә мөмкинлек бирәчәк. Башкорт телендә мәгълүматны турыдан-туры объектларда урнаштырырга тәкъдим ителә.

Әлеге туристик навигацияне гамәлгә ашыру нәтиҗәсе дөньякүләм туристик бергәлеккә интеграцияләнәчәк.

Туристлык навигациясе билгеләре Уфаның "Ремстройдормаш" заводында әзерләнә.
Шулай ук Башкортстанда туристлык навигациясен гамәлгә ашыру максатларында 300 чакрым озынлыктагы җәяүлеләр сукмагы маркировкасы уза. Моның өчен республикада «Зур Көньяк-Урал сукмагы» проекты гамәлгә ашырыла. Маршрут Уралның төрле матур почмакларын үз эченә ала.

Башкортстан Республикасының Туризм буенча дәүләт комитеты рәисе Салават Нәфыйковболай дип белдерде:
"Туристлык навигациясе билгеләре, әлбәттә, беренче чиратта кешеләргә ориентирлашырга, кирәкле объектка барып җитәргә ярдәм итә. Бу таулар, күлләр, мәгарәләр, табигый парклар, шифаханәләр һәм кунакханәләр, шулай ук музейлар булырга мөмкин. Бу бик уңайлы навигация: кешеләр күпме километр калганын, кая һәм ничек барып җиткәнен беләчәкләр".

Фото:glavarb.ru