Суда сак бул!

Башкортстанның Гадәттән тыш хәлләр буенча Дәүләт комитеты рәисе Фәрит Гомәров республика халкына мөрәҗәгать итте.Эссе көннәр башлангач, республиканың елгаларында һәм сулыкларында батып үлүчеләр саны кискен арткан. Бу атнада су коенганда 6 кеше һәлак булган. Ике көндә Бөре, Салават һәм Авыргазыда 14 яшьтән 17 яшькә кадәрге өч баланың гомере өзелгән.

Оператив мәгълүматларга караганда, ел башыннан республиканың су объектларында 73 бәхетсезлек очрагы булган. Статистика күрсәткәнчә, коенучылар күпчелек очракта көннең икенче яртысында, 14.00–21.00 сәгатьләрдә фаҗигагә юлыга.

Суда гражданнарның һәлак булу сәбәпләре билгеле:

1) исерек хәлдә булу;

2) тиеш булмаган урыннарда коену;

3) балаларны караучысыз калдыру.

Фәрит Гомәровның мөрәҗәгатендә болай диелә:

“Таныш булмаган һәм тыелган урыннарда коенудан тыелырга чакырам. Анда көчле су асты агымнары, су бусагалары, ботаклар, чоңгыллар, су асты чишмәләре булырга мөмкин.

Исерек килеш коенмагыз, ярдан ерак китмәгез, елганы яисә суны йөзеп чыгарга тырышмагыз, үз көчегезне һәм мөмкинлекләрегезне арттырып бәяләмәгез.

Балаларны су объектларына үзләрен генә җибәрмәгез, шулай ук су янында ял иткәндә, аларны күзәтүсез калдырмагыз.

Коену өчен махсус җиһазландырылган комлыкларны гына сайлагыз!

Суда үз-үзеңне куркынычсыз тоту кагыйдәләре – аларны үтәмәү корбаны булган кешеләрнең әниләренең һәм туганнарының ачы күз яшьләре белән сугарылган. Шуңа күрә үзегезне һәм якыннарыгызны саклагыз!

Су объектларында иминлек таләпләрен һәрвакыт үтәгез! Аларны якыннарыгызга һәм тирә-юньдәгеләргә бозарга рөхсәт итмәгез!

Үзебезне һәм балаларны судагы фаҗигаләрдән бергәләп саклый алабыз!

Читайте нас:

Новости партнеров

Владимир Путин поздравил жителей Башкирии и её столицы с 450-летием Уфы

Владимир Путин менән Радий Хәбиров эш осрашыуы үткәрҙе

"Спорт - милләтара диалог һәм тынычлыкны ныгыту коралы"

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]